Sagitsit ng Alingawngaw

Isang lugar ang aking natanaw
Nababalot ng hiwaga at balintataw
Sa umaga at gabi o buong araw
Ay nabubuo ang sarili kong pananaw

Nang pasukin ko ang mundong ito
Nakita ang magkakaibang pagkatao
Hindi ko alam ang sinasabi ng puso
Na wari’y sumisigaw sa aking natanto

Sila ang binhi at pinagmulan
Ng mga lahi ng kanilang magiging angkan
Subalit nasaan at di masilayan
Binhi ng kanilang pinagyabungan

Iba’t iba ang kwento ng kanilang pag-iisa
Tumitibag ng dibdib, sumusugat ng pag-asa
Nagbibigay katanungan, humihingi ng salita
At mga dahilan, kung bakit sila inulila

Umalingawngaw ang hikbi ng isang lola
Sumasagitsit ang pagtangis ng tulad nilang ina
Hinahanap ang pag-aaruga ng dating barkada
Bumabalik ang pag-uugaling wari’y isang bata

Mama nasaan ka? Ang kaniyang sinasabi
Totoy wag mo akong iwan, bigkas ng nagsisisi
Sa ilalim ng tulay doon siya iniwan at lumagi
Kung siya’y pusang gala, sino pa ang magsisilbi?

Ang isa nama’y umawit at inalala
Ang kaniyang kabatan na kahali-halina
PagkAkasala sa pag-ibig na di sinasadya
Sa desisyong iyon, pamilya niya’y nawala

Kasalanan ba nila ang pinili nilang desisyon?
Sa pagkakataong iyon, hindi na sila makakabangon?
Binigyan nyo ba sila ng muli pang pagkakataon?
Kung hindi’y mas pinili mo ba ,ang buhay nila ngayon?

Hindi ninyo nakikita ang kanilang tinitiis
Hinihimas ang kapirasong unan, at doon tumatangis
Yumuyuko ng sandali, dila’y numinipis
Na susundan ng paghikbing pumapahilis

Kaya’t ang aking tanong sa aking sarili
Kung wala ang Kiwanis, sino pa ang kakandili?
Kung walang kikilos sino pang magsisilbi?
Ano na ang kanilang buhay kung sila’y nasa tabi-tabi.

Kasalanan ba nila ang kanilang pagtanda?
Na nawala ang gandang tulad ng isang bata
At ang ugaling matino unti-unting nawawala
Wala na ba silang silbi, wala ka na rin bang mapapala?

Sana’y loobin pang matanaw nila ang buhay na masaya
Na sa bawat sandali ay may pagngiti't tuwa
Sa sandali pang natitira, hindi pagkakasakit ang dala
Hindi ang sama ng loob, paghikbi at pagluha.

Ito ang mga bagay na aking natanaw
Nang makapiling ang mga lola sa loob ng ilang araw
Kaya sa pamamagitan nito , aking ibinabatingaw
Saloobin ng mga lolang Sumasagitsit..umaalingawngaw.

Sagitsit ng Alingawngaw

GOD EXISTS

A man went to a barber shop to have his hair and his beard cut as always.
He started to have a good conversation with the barber who attended him.

They talked about so many things and various subjects. Suddenly, they touched the subject of God. The barber said:
“Look man, I don’t believe that God exists as you say so.”

“Why do you say that?” Asked the client.
“Well. It’s so easy, you just have to go out in the street to realize that
God does not exists. Oh, tell me, if God existed, would there be so many
Sick people?Would there be abandoned children?If God existed, there would be no suffering nor pain. I can’t think of a God who permits all of these Things.”

The client stopped for a moment thinking but he didn’t want to respond so as to prevent an argument.
The barber finished his job and the client went out of the shop.Just after
He left the barber shop he saw a man in the street with a long hair and beard(it seems that it had been a long time since he had his hair cut and he looked so untidy).
Then the client again entered the barber shop and he
Said to the barber:
“Know what? Barbers do not exist.”
“How come they don’t exist?” asked the barber.
“Well I am here and I am a barber.””Noo!” the client exclaimed. “They don’t exist because like that man who walks in the street.”

“Ah, barbers do exist, what happens is that people do not come to me.”
“Exactly!” affirmed the client. “That’s the point. God does exist, what
happens is people don’t go to him and do not look for him that’s why
there’s so much pain and suffering in the world.”

Ang Mundo sa Kiwanis..Isang Pagsulyap"

Sino Si Nanay Conching

Profile: Conching Romero
Age: 70
Bday: Dec 11, 1939
Address: Panaon , Unisan Quezon
Civil Status: Married
Number of Children: 4

Si nanay Conching ang Care taker ng mga Lola ng Kiwanis na nasa Immaculada, Iyam, Lucena City, Quezon Province. Bagong Part-time Clinical Instructor ako noon ng Calayan under ng Care Giving Department. Unang salang ko noon sa paghahandle ng mga studyante ng Batch 23. Isa, sa mga plano ko noon ay gumawa talaga ng dokumento na tatalakay sa kabuuang anyo na mayroon sa Kiwanis mula sa mga nagpasimula nito, sa mga hangarin at obligasyon nito, hanggang sa mga kabahagi at bumabahagi sa mga Lolang kumakalinga sa kanila.
Nakilala ko si Nanay Conching, kaya naman ng magsimula ng gumiri ang aking Cellphone na may Video ay sinimulan ko na ang pagtatanong sa kaniya. Dahil sa ilang maselang kwento na tumatalakay sa kaniyang buhay ay hindi ko na mula iyon ibabahagi muna sa inyo. Ang hangarin ko na lang muna ay maibahagi sa inyo kung ano nga ba ang nagdudugtong na rason o dahilan kung bakit sa kabila ng pagnanais ng mga anak ni nanay Conching na umalis na siya sa Kiwanis at ng magkasama sama na sila ng mga tunay niyang kapamilya ay inibig pa din niya na manatili sa Kiwanis.Sa Video ng tanungin ko kung ano ba ang ang luhang nais na pumatak sa mga mata ni Nanay Conching ay sinabi nyang " 'yung PAGMAMAHAL KO SA KANILA". Ilan lang sa masasabi ko sa'yo nanay Conching "Dakila ka po" kasi ang tunay na pagmamahal ay mahirap maibigay sa isang tao. Sa kabila ng hindi mo naman kaanu-ano ang mga Lola, nanatili ang iyong masidhing pag-aalaga at pag-aruga sa kanilang lahat. Ang Dios ang nakakakita at magbibigay ng biyaya para sa mga taong may tunay sa hangaring makatulong sa mga nangangailangan.

Sinu-sino nga ba ang mga LOLA na nasa Pangangalaga ng Kiwanis?

Sino si Lola Sion?

Profile: Consolascion Labarete
Age: 65
Bday: Dec. 4, 1934
Address: Tacloban Leyte

Background: "Gusto na nagsosolo lang"/"Tahimik, pero nagsasalita mag-isa"/"Ayaw maligo" (dahil sa ilang maseselang impormasyon sa kaniya, ninais kong hindi na lang ito ibahagi din sa inyo, bagama't napakahalagang impormasyon iyon sa kaniyang pagkatao, inaalagan ko pa rin ang pribadong karanasan ni Lola Sion)

Walang Imposible Kung may pagpupursige. Sabi nila hindi daw namin mapapaliguan si Lola Sion, Una dahil sa phobia na inabot nito. Ikawala, dahil paniniwalang meron din siya sa sarili. Isa si Lola Sion sa namimisinterpret ng lahat ng care-giver OJT's, pero ang totoo? Napakabait niya, masarap siyang kausap, marami kang matutunan sa kaniya. Kung mayroon mang kakaiba sa kaniyang sarili, iyon ay dahil na rin sa kaniyang mga nakaraang pinagdaan. Ang malawak na pang-unawa, at tunay na pagmamahal at pagkalinga ang kinakailangang mayroon ang sinumang health care provider na gagabay at titingin sa kaniya. "Mahal ka po namin Lola Sion. Mula sa CEFI family, Care Giving Batch 23,Kay Sir Marlon Macaraig, Mam Ramona Gata, sa akin, Jayson B. Santos , kay Vilma Rocamora na labis na nag-aruga sa iyo at sa ilang estudyante ng Bacth 23. Hanggang sa muling pagkikita Lola Sion.

Sino si Lola Pura?

Profile: Cora Pornasdoro
Age: 77
Bday: March 9, 1932
Address: Bokal, Pagbilao Quezon

Ilang Impormasyon sa kaniya: Dinala sya sa Kiwanis ng may Catarata, Palaging tumataas ang presyon. Malakas naman siya at magaling Kumanta.

Si Lola Pura ay tahimik na lola lang. Masarap siyang kausap lalo na kung makikipagsabayan ka sa kaniyang kumanta. April ng dalhin siya ng isang concerned na Kapitbahay niya sa Kiwanis. Doo'y napag-alaman na malabo ang kaniyang mata dahil na rin sa Katarata. Inabyad naman kaagad ito ng pamunuan ng mga taga-Kiwanis. Subalit isang mata lang ang naoperahan dahil na rin sa pagtaas baba ng kaniyang presyon. Hindi malilimutan ni Lola Pura ang nagdaan niyang Kaarawan kung saan surpresa naming hinandugan ito ng pahanda na may kasamang maliliit na lobo, cake, pansit palabok.

Sino si Lola Anacita

Profile: Anacita Estrada
Age: 85
Address: Pagbilao, Quezon

Ilang Impormasyon sa kanila: 2004 ng dalhin siya ng mga taga DSWD pagbilao, nakuha daw siya sa ilalim ng tulay. Dati na rin siyang may Catarata ayon sa balita walang kumukopkop sa kanya doon hanggang ngayon. Palagi niyang nasasambit ang pangalang "mama" at minsan naman ay "totoy".

Nang madala si Lola Anacita sa Kiwanis sa ilang araw ay ipinasuri ito sa Mt. Carmel Hindi naman pinayagan na maoperahan ang kaniyang mata dahil sa komplikasyon niya sa Baga. Kaya naman nilapatan muna ito ng mga karampatang gamot. Subalit naging balakid naman sa isasagawang operasyon ang kaniyang katandaan kaya't hindi na rin natuloy ang pagoopera sa kaniyang mga mata.

Sino kaya ang "mama" na palaging binabanggit ni Lola Anacita" Minsan ng kausapin ko muli siya napasagi ang kaniyang mukha sa gilid at kaniyang sinsabi" Totoy...huwag mo naman akong pabayaan" ng araw na iyon kinantahan ko siya at tinabihan upang makinig sa iba pa niyang hinaing na tanging siya din lamang ang nakakaalam ng mga tunay na pangyayari at nangyari sa kaniyang buhay.

Sino si Lola Simprosa

Profile: Simprosa Manalo
Age: 83
Address: Mayao Crossing, Lucena City

Ilang impormasyon sa kaniya: Mayroon siyang Mood Swings, bihira siyang magtiwala sa tao lalo na kung babae. Para sa iba isa siyang matapang, mahirap pakain dahil may "suspicous tendency siya sa pagkain ibibigay mo sa kaniya".

Ayon sa ilang impormasyon, sa unang buwan ni lola Simprosa ay napakatapang nito, bagama't wala siyang sakit , kung magaling kang bumasa sa isang tao ay iisipin mong bakit hindi ito masyadong nakikisalamuha sa mga babae. Gayon din naman sa lalake pero mas maraming pagkakataon noon na ayaw nito na mayroon siyang care-giver ojt na nag-aasikaso sa kanya. Natatandaan ko noon, nahihirapan ang ang mga istudyante ko na kunan siya ng vital sign, kaya naman sa huli tinawag na nila ako, at ng ako naman ang kumuha ng lahat ng vital signs niya na may kasamang kwento at heto't nakapag-interview pa ako sa kanya. Para sa akin malilim siguro ang sugat na pinagdaang karanasan ni Lola Simprosa. Okay naman siya, talagang mahabang pasenysa at pang-unawa ang kailangan sa taong maghahandle sa kaniya. At hangaring kung ipakita ng lahat ng mga hahawak sa kanya yon, bagama't it is a self calling ang tunay na pag-aaruga at pang-uunawa.

Sino si Lola Virgie?

Profile: Virgenia Flores
Age: 77
Address: Patnanungan Quezon

Ilang Impormasyon sa Kaniya: Malakas si Lola Virgie, medyo mahina hina na nga lang pandinig niya. Mayroon daw siyang dalawang anak.(Maselan din ang ilang personal na impormasyon ni Lola Virgie kaya't bilang paggalang sa kaniyang pribadong buhay hindi ko na ito ibabahagi muna sa inyo, ang masasabi ko lang masakit ang pinagdaanang buhay ng kaniyang mga anak, buhay niya kaya't tanging ang panahon na lamang ang hihilom upang mapunan ang kakulangang iyon)

Bilang Konklusyon, sa tuwing duduty ako sa Kiwanis hindi ko maalis ang aking kagalakan na muling makita at mapagsilbihan ko ang mga Lolang ito. Hindi ko maipaliwanag kung bakit sa tuwing makikita ko sila ay nararamdaman ko ang bigat sa dibdib sa mga napakaraming katanungan. Bagat alam kong inaalagaan naman sila ng care-taker dito at ng mga nasa likod ng Kiwanis Foundation Officers, ay hindi ko pa rin maaalis na...ano nga ba ang tunay nilang nararamdaman? anu nga ba talaga ang nais nilang makamtan? ang gusto nilang marinig...?

"nakaraan...Isang pagtangis"

I

Minsan ako’y nangarap na mag-isa
Na sa aking paglalakad ay may makakasama
Sa bawat katuwaan, paghikbi at pagluha
Kabalikat sa panahong, tuhod ay manghihina
II
Minsan na syang dumaan sa aking buhay
Binigyang kasiyahan, binigyan ng saysay
Sa masalimuot kung mundo, nagsilbi syang tulay
Sa bawat panahon sya’y nanatiling umaalalay
III
Subalit sinubok ang aming katatagan
Dinaluyong ng pasakit ang aming pagkakaibigan
Binuhusan ng panlalamig ang mundong ginagalawan
Tinik may inilatag sa bawat naming dinadaanan
IV
Sa pagkakataong iyon… hindi kami sumuko
Sa bawat sandali hindi nya ako binigo
Nananatili ang lakas at tibay ng puso
Nananaig ang tiwala…pagmamahal ay di lumayo
V
Subalit anong aking gagawin,kung pangarap nya’y mawawala
Anong aking susundin, kung ang pamilya nya’y nagmamakaawa
Isa laban sa lahat… may ligaya ba akong mapapala?
Kung piliin man nya ako,mas marami namang nagluluksa
VI
Masakit… ang ginawa kong desisyon
Na iwan ang kaibigan na sa akin ay umampon
Sa panahon ng kabiguan,sa panahon ng daluyong
Na dumaan sa aking buhay na kapwa namin sinalubong
VII
Maging siya ay di nakayanan
Ang pagtangis ng luha sa bawat araw na nagdaraan
Sa mundong apat na taon naming pinagsamahan
Nagising kang… di na sya ang nasa ‘yong harapan
VIII
Sino nga ba ang nakakaalam ng labis naming hinagpis?
Ni di ko rin namamalayan ang labis nyang pagtangis?
Ni di rin niya alam ang bawat sandali kung tiniis,
Ang ipagpalit ang mundong kay pait..na dating ubod tamis
IX
Lumipas ang tatlong taon… kami’y muling nagkatagpo
Masasakit na salita ang sa bawat tenga ko’y pumalo
Bumibigat yaring dibdib at unti-unting gumuguho
Ang pagkakaibigang minsan naming binuo
X
Ginawa mo akong aso… ang kaniyang sinabi
Anong pagkukulang ko?.ang dagdag niyang paghikbi
Sinira mong pangarap ko? paulit-ulit niyang paninisi
Bakit mo ako iniwan? Na nagpawala na ng aking ngiti
XI
Isang napakahalagang bagay ang aking napagtanto
Nang dumating pala ako sa kanyang buhay, pagkatao nya’y nabuo
Ibinalik ko ang ngiti…pag-asa’t sigla ng puso
Nang isang taong dalawampung taon na sa pagkalungkot ay nakabilanggo…
12:03 am…jaysonbsantos(061306)

(Ang ginawa kung tulang ito ay matagal na panahon na. Masasabi kung magpahanggang ngayon nananatili ang ala-ala ng aking "bestfriend na si Kuya nico, kung anuman ako ngayon sa aking ugali ay malaki ang naiambag niya sa aking pakikipagkapwa tao, pagpapahalaga sa bawat tao at higit sa lahat sa aking PAGKATAO. Maraming bagay ang aking natutunan sa apat na taon ng aming pinagsamahan bilang magbestfriend. Hindi man kami nagkakausap magpahanggang ngayon, masasabi kung hindi siya kailanman nawala sa pagkatao ko. Sa mga makakabasa ng "post" na ito ang aking maipapayo..."kapag may mga taong dumating sa inyong buhay at naramdaman nyo at napatunayan nyo kung gaano kayo kahalaga sa kanya o sa kanila, wag na ninyong hayaan na ikaw ay gumawa pa ng paraan upang isailalim pa sila sa pagsubok ng pagtatampo,pagkagalit upang maramdaman o malaman nyo lang kung gaano nga ba kalaki o kahaba ang pasensya nila para sa inyo.Tandaan... huwag nating hayaang dumating ang panahon na mapagod ang taong yon sa pang-uunawa sa atin. "Maunawain o pagkabait-bait man ng isang tao...sila'y MARUNONG MAPAGOD DIN"

"Anak ng Jueteng"

Ala-sais pa lang ng umaga
ng akoy' magising...
Sa labas ng tahanan ko'y
may isang lasing...
Si Mang Juan pala, lango sa alak
Hayon at pagiring-giring
Minumura ang kanyang asawa
at wari'y may idinadaing,

At malakas niyang sinabi...
"Lintik na buhay 'to! kuwarta na
naging bato pa!"
"kaya sa susunod, pagsinabi kong
tayaan mo, tayaan mo 'yung numero!"
"Kahit ibawas mo na muna sa pambili
ng bigas!"
"Lumabas nga yung 11 x 15 wala
namang taya!" Putang...**%**%%!
( Ang pagmumura at pagalit niyang sinabi)

Susmaryosep ka Mang Juan!!!
Para sa pangkain nyo na...
Ipang JUJUETENG MO PA!!!

*Ilan lamang ito sa napakaraming Senaryo at bersyon sa patuloy na pagtangkilik ng ating mga kababayan sa legal este!!! illegal na JUETENG. Tila ba marami sa atin na nasanay na sa pagtaya sa JUETENG. Kapag may Jueteng daw, tuloy daw ang pagsahod sa BIYAYA. Kapag naman WALA--- lahat eh nagtutunganga, kuno't ang noo at mainit ang ulo( oy! may tinatamaan!)Ngunit kapag patuloy naman ang operasyon, tila ba ang buong bayan ay may malaking pagtitipon. Ang masaklap, sa kabuuan nito, ang MALAKING BIYAYA, sinalo na ng iba-t ibang ahensya ng gobyerno o ilang trapong pulitiko. Naaalaa ko tuloy ang sinabi ng isang kakandidatong Mayor sa isang lungsod at sinabi niya " Kapag nanalo ako...(madamdamin nya pangpagsabi) Ang kubra ng JUETENG ay para sa mga taong bayan". Pero narinig ko pa lamang siya sa isang istasyon ng radyo kung paano niya batikusin ang JUETENG! Patatawarin!!! Pulitiko ka nga SIR! Pero, bakit kaya karamihan sa mga nahuhuli at hinuli ay mga kubrador lamang? Hay...bakit hindi mismo ang mga kabahagi at nasa likod ng illegal na gawaing ito!!!
Mam ...Sir... bakit nakangiti na naman kayo! Hay naku! kaya pala....Biyernes na naman kasi!!!

"Anino sa tubig"(animbig)

I

Halina't ako'y inyong samahan

Tuklasin at suriin yaring ilalarawan

Ang bawat anggulo, bawat katangian

Ng maskara ng ating panahong kasalukuyan

II

Ihanda ang papel at mga panulat

Maging ang sarili upang kapuwa'y mamulat

Ito'y di sabi sabi ni isang alamat

Bagkus ay pangyayaring laman ng bawat ulat

III

Ating pasimulan ang bawat senaryo

Ng kaguluhan, kahirapan at pagsiphayo

Ng bawat bansa sa bawat panig ng mundo

Sa pagtanggap ng problema ng Bagong Milenyo

IV

Halos lahat ng bansa ay naalarma

Sa halaga ng langis doon sa Arabia

Na nagsisilbing balakid sa pag-angat ng Asya

At pagbagsak ng ekonomiya ng Europa't Amerika

V

Isabay parito ang palitan ng pananalapi

Na sa katayuan ng bansa'y pilit gumagapi

Ang bawat mamamayan, lubos na sa paghikbi

Sa pagtaas ng pangangailangan nitong isinukli

VI

Isama pa yaring mga kaguluhan

Na s'yang sumisira sa ating kapayapaan

Nawa'y lubos na maisip at mapag-unawaan

Na tayo'y isinilang, na walang armas na tangan

VII

Iba't-ibang epedemya'y lubos ng malawak

Dito'y may pagtatayo, doo'y may pagwasak

Noo'y may kasiyahan, kahapo'y may pag-iyak

Ngayo'y may saping tsinelas, bukas nama'y yapak
VIII

Kaya't hayaan ang katunungang ito...

Pulat't itim ba ang kulay ng mundo?

Pikit mata pa rin ba ang lakad ng tao?

At nagbabakasakaling marating niya'y paraiso

IX

Nawa'y huwag maging anino sa mundong hilig

Na sa baway galaw,sumasabay, kumakabig

Bakit di' matulad ng simbolo ng TUBIG,

Na sa buhay ng bawat isa'y nagpapalawig

X

Kaya't huwag maging anino sa sariling ibig

Ni magpadala sa sali't sabi ng bibig

Bagkus ay kumilos...sumulong at ng madinig
Ang mga taong may angking ANINO SA TUBIG